Mae’r prosiect yn ceisio dangos a phrofi gallu cymunedau i gymryd perchnogaeth a sicrhau cynaladwyedd asedau a/neu wasanaethau cyhoeddus a pheilota modelau a ffyrdd newydd ac arloesol o’u gweithredu.

Mae disgwyl cynyddol yn ddiweddar ar gymunedau i gymryd cyfrifoldeb am asedau neu wasanaethau lleol yn sgil toriadau i’r pwrs cyhoeddus. Yn sgil yr uchod roedd Arloesi yn awyddus i gydweithio gyda chymunedau yng Ngwynedd er mwyn treialu a dysgu am fodelau gwahanol o drosglwyddo gwasanaethau i drigolion lleol. Prif nod y prosiect fydd ceisio cyfrannu tuag at greu mentrau cymunedol fydd yn fecanweithiau ar gyfer darparu gwasanaethau i’r dyfodol. Cynhaliwyd galwad agored ble croesawyd ceisiadau gan gymunedau oedd yn awyddus i gydweithio. Derbyniwyd a phenderfynwyd ar gydweithio a chefnogi 6 o gymunedau o fewn y Sir, i gyd yn edrych ar wasanaethau gwahanol o lyfrgelloedd, i harbwrs, gwasanaethau bwrdeistrefol ac amgueddfa.

Yn sgil y prosiect yma cafodd prosiect Creu Gofod ei greu.