Mae’r prosiect yma yn un sydd wedi cael ei ariannu drwy Gronfa Peilota Gwynedd, sef Cronfa sydd wedi cael ei dargedu at grwpiau cymunedol yng Ngwynedd i’w galluogi i dreialu gweithgareddau newydd yn eu cymunedau.

Mae Plas Heli Cyf yn gwmni di-elw cyfyngedig drwy warant sydd wedi ei sefydlu’n benodol i redeg yr Academi Hwylio Genedlaethol a Chanolfan Digwyddiadau Cymru.

Roedd Plas Heli yn edrych am syniadau i ddatblygu cynlluniau cynaladwy ar gyfer safle yr Hen Glwb Hwylio ym Mhwllheli sy’n ymateb i anghenion a chyfleon lleol. Yng Ngorffenaf 2015, caewyd yr adeilad yma, a symudwyd bopeth i adeilad newydd Plas Heli. Mi wnaethon nhw ddechrau edrych ar syniad o greu llety fforddiadwy i grwpiau, teuluoedd ac ymwelwyr drwy addasu’r hen glwb hwylio. Fodd bynnag roeddent yn teimlo fod angen cefnogaeth pellach i edrych ar y syniad yma ynghyd a syniadau eraill sydd a’r potensial i gynhyrchu incwm y gellir ei cynnwys yn yr Hen Glwb Hwylio, ac roeddent yn awyddus i gael llygaid ffres ar yr adnodd yn ei gyfanrwydd er mwyn asesu prun ai llety yw’r opsiwn gorau.

Rhoddodd Plas Heli gais i mewn i Gronfa Peilota Gwynedd ar gyfer derbyn cymorth ariannol i gomisiynu arbenigwr i gynhyrchu Astudiaeth Dichonoldeb o adeilad yr Hen Glwb Hwylio ym Mhwllheli, a cafodd y gais ei gymeradwyo. Cafodd yr astudiaeth ei gwblhau ar ddechrau 2019.

Mae copi o’r astudiaeth ar gael yma: Astudiaeth Dichonoldeb Plas Heli