Mae’r prosiect yma yn un sydd wedi cael ei ariannu drwy Gronfa Peilota Gwynedd, sef Cronfa sydd wedi cael ei dargedu at grwpiau cymunedol yng Ngwynedd i’w galluogi i dreialu gweithgareddau newydd yn eu cymunedau.

Mae GISDA yn gwmni elusennol yng Ngwynedd sydd yn darparu gwasanaeth cefnogol cynhwysfawr i bobl ifanc digartref a bregus ers 32 o flynyddoedd. Mae GISDA yn gwmni profiadol a blaengar oddi fewn i’r trydydd sector yng Nghymru ac mae eu profiad yn dangos fod pobl ifanc bregus angen cefnogaeth holistig i’w galluogi i symud ymlaen yn eu bywyd.

Mae prif swyddfa GISDA wedi leoli ar Y Maes yng Nghaernarfon, adeilad mae’r cwmni bellach yn berchen arno diolch i grant CFAP Llywodraeth Cymru yn 2017. Erbyn hyn mae GISDA hefyd wedi prynu yr adeilad drws nesa, sef hen fanc Natwest. Mi fuodd GISDA yn llwyddiannus gyda eu cais i Gronfa Peilota Gwynedd er mwyn derbyn cymorth ariannol i gomisiynu arbenigwr i gynnal Astudiaeth Dichonoldeb ar adeilad hen fanc Natwest drws nesaf i’w swyddfeydd presennol yng Nghaernarfon.

Dymuniad y grwp oedd cael defnyddio’r gofod newydd fel swyddfeydd, ystafelloedd cyfarfod/ymgynghori, gofod amlbwrpas ar gyfer creu a datblygu technoleg ayyb. Mi fydd yr astudiaeth yn amlygu y defnydd posibl o’r gofod ac yn galluogi’r grwp i wneud y mwyaf o’r asedau y maent yn berchen arno.

Astudiaeth Dichonoldeb Adeilad Natwest